لكل واحد عايز يغير حياتوا 360 درجة الى الأفضل " قرار_تغيير " رمضان بداية جديدة :]
رمضان بداية جديدة .. بنحاول نعمل فيها كل اللي نقدر عليه من الطاعات .. ولكن المشكلة إننا بنوقف كل حاجة بعد رمضان
😞علشان كدا لو بدأنا بداية صحيحة في رمضان هانقدر نكمل بعد رمضان إن شاء الله .
(1) الصلاة :-
- من أكتر الحاجات اللي بنحاول نلتزم بيها خلال شهر رمضان هيا الصلاة .. ولكن في أواخر شهر رمضان بنبدأ نرجع تاني لحالة الكسل ومع نهاية الشهر بنوقف تماماً ومش بنصلي تاني
* عارفين ليه ... !
👈 السبب : إن الصلاة بالنسبالنا أصبحت مجرد مجموعة من الحركات اللي بنعملها بس خلال شهر رمضان علشان كله بيعملها .. لكن بعد رمضان كله بيوقف وكله بيكسل وماحدش بيفكر يصلي تاني .- لكن اللي حسّ فعلا بحلاوة الصلاة .. وطعم الصلاة وإنك تسيب كل اللي ف إيدك علشان ملك الملوك ورب العباد بيقولك " حي علي الصلاة ، حي علي الفلاح " عمره ما هايسيبها أبدا ، ربنا بيقولك يلا تعالي صلّي وسيب اللي في إيدك دا .. تعالي خذ غنيمتك من الفلاح .. سيب كل حاجة دنيوية إنت بتعملها وتعالي للي خلقك لإنه أعلم بيك وبحالك وبالأصلح ليك
👈 بس احنا بنعمل ايه .. ! بنقول لأ يا رب احنا عاوزين نكمل في الأمر الدنيوي اللي بنعمله ومش عاوزين الفلاح 😞____
علشان كدا بداية الطريق الصحيح .. إنك تلتزم بالصلاة
😍" وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ "
يلا نبدأ بداية جديدة ونلتزم بالصلاة من اللحظة دي .. وأول ما نسمع الآذان نتوضي ونصلي علي طول
❤___
تعليقات
إرسال تعليق